Vil du jobbe med formidling og skjøtsel i Geirangerfjorden? Stiftinga Geirangerfjorden Verdsarv søkjer prosjektstillingar til sommarsesongen.

Vi ser etter deg som kan arbeide fleksibelt med formidling på dei ulike programma våre og/eller utføre ulike former for skjøtselsarbeid.

Arbeidsoppgåver

• Formidling på dei ulike programma våre

• Ulike former for skjøtselsarbeid

• Noko administrativt arbeid

Oppgåvene vil variere, og formidlingsoppgåver kan også bli aktuelle for deg som hovudsakleg arbeider med skjøtsel.

Vi ser etter deg som

• Meistrar engelsk godt, og gjerne tysk. Fleire språk er ein fordel.

• Er sørvisinnstilt, fleksibel og utåtvend.

• Arbeider effektivt og sjølvstendig, og samarbeider godt med andre.

• Er i tilstrekkeleg fysisk form til å utføre oppgåver som krev fysisk arbeid.
  

Om oss

Stiftinga Geirangerfjorden Verdsarv arbeider for å ta vare på, formidle og utvikle verdsarvområdet Geirangerfjorden med omland. Vi held til ved Norsk Fjordsenter i Geiranger, og arbeider med natur- og kulturforvaltning, skjøtsel, formidling og berekraftig lokalsamfunnsutvikling.

Hos oss blir du del av eit lite, tverrfagleg arbeidsmiljø med eit felles mål: å ta vare på den unike natur- og kulturarven for framtidige generasjonar. Formidlinga skjer både på fjordsenteret og ute i verdsarvlandskapet, i møte med besøkande frå heile verda.

Kontaktperson:
Merete Rønneberg, Formidlingsleiar naturarv/kulturarv
merete@verdsarvfjord.no